Skattfrádráttur vegna nýsköpunar
Opinber stuðningur við nýsköpunarverkefni
Nýsköpunarverkefni, sem hlotið hafa staðfestingu frá Rannís eiga rétt á sérstökum skattfrádrætti vegna nýsköpunar. Með opinberum stuðningi er átt við skattfrádrátt og styrki frá opinberum aðilum, samanlagt. Njóti verkefnið opinberra styrkja hafa þeir áhrif á fjárhæð skattfrádráttar. Hér er að finna þær reglur sem gilda um opinberan stuðning við nýsköpunarverkefni.
Styrkhæfur kostnaður
Styrkhæfur kostnaður, til útreiknings á skattfrádrætti gjaldárið 2020, getur numið allt að 600 milljónum króna vegna rekstrarkostnaðar* og allt að 900 milljónum króna vegna rannsóknar- eða þróunarvinnu sem keypt er af ótengdum aðila. Gera á grein fyrir útlögðum kostnaði og fengnum styrkjum með skattframtali. NB. Gjaldárið 2016 og fyrr voru þessar fjárhæðir 100 og 150 milljónir kr. og gjaldárin 2017-2019 voru þær 300 og 450 milljónir kr.
Á gjaldárunum 2021 og 2022 vegna rekstraráranna 2020 og 2021 verður hámark kostnaðar til útreiknings á frádrætti 1.100.000.000 kr., þar af er heimilt að telja til þeirrar fjárhæðar allt að 200.000.000 kr. vegna aðkeyptrar rannsóknar- og þróunarvinnu.
Reiknaður skattfrádráttur
Skattfrádráttur nemur 20% af styrkhæfum kostnaði og getur því að hámarki orðið 120 milljónir króna vegna rekstrarkostnaðar eða 180 milljónir króna ef um aðkeypta vinnu er að ræða (gjaldárið 2020). Sé skattfrádráttur hærri en álagður tekjuskattur er mismunurinn greiddur út. NB. Gjaldárið 2016 og fyrr voru þessar fjárhæðir 20 og 30 milljónir kr. og gjaldárin 2017-2019 voru þær 60 og 90 milljónir kr.
Á gjaldárunum 2021 og 2022 vegna rekstraráranna 2020 og 2021 verða þessi hlutföll 35% í tilviki lítilla og meðalstórra fyrirtækja, en 25% í tilviki stórra fyrirtækja. Hámark skattafrádráttar getur því orðið 385.000.000 kr. hjá litlum og meðalstórum fyrirtækjum og 275.000.000 kr. hjá stórum fyrirtækjum gjaldárin 2021 og 2022.
Styrkur frá opinberum aðilum
Njóti verkefni styrkja frá opinberum aðilum hámarkast opinber stuðningur við ákveðið hlutfall af styrkhæfum kostnaði, sbr. töflu yfir hámarksstuðning. Umtalsverðir opinberir fjárstyrkir geta því leitt til lækkunar á skattfrádrætti.
Dæmi: Skattfrádráttur og styrkir frá opinberum aðilum geta samanlagt orðið að hámarki 45% af styrkhæfum kostnaði við þróunarverkefni hjá litlu fyrirtæki (sjá töflu).
Einkaverkefni – aukið styrkhæfi
Ef nýsköpunarfélag stendur fyrir rannsóknarverkefni þar sem niðurstöður verða birtar með almennum hætti og dreift ókeypis, veitir það verkefninu aukið styrkhæfi.
Styrkhæfi - hámark opinbers stuðnings
|
Rannsóknarverkefni |
Þróunarverkefni |
|||
| Stærð fyrirtækis |
Almennt |
Aukið |
Almennt |
Aukið |
| Lítið |
70% |
80% |
45% |
60% |
| Meðalstórt |
60% |
75% |
35% |
50% |
| Stórt |
50% |
65% |
25% |
40% |
Samstarfsverkefni
Til að nýsköpunarverkefni geti talist samstarfsverkefni þarf það að vera í eigu tveggja eða fleiri óskyldra aðila. Reglur um styrkhæfan kostnað gilda fyrir verkefnið í heild en skattfrádrætti er skipt milli fyrirtækjanna sem taka þátt í því. Skrá yfir alla eigendur verkefnis skal fylgja skattframtali á eyðublaðinu RSK 4.22, Nýsköpun – samstarfsverkefni.
Samstarfsverkefni – aukið styrkhæfi
Samstarfsverkefni nýtur aukins styrkhæfis ef eitthvert eftirtalinna skilyrða er uppfyllt:
Að verkefnið feli í sér samvinnu í það minnsta eins lítils eða eins stórs fyrirtækis, eða samstarf yfir landamæri við félag í öðru EES landi og að ekkert fyrirtæki fari með meira en 70% af styrkhæfum kostnaði.
Að verkefnið feli í sér samstarf við rannsóknarstofnun sem fer með a.m.k. 10% hlut og hefur rétt til að birta niðurstöður verkefnisins.
Að um sé að ræða rannsóknarverkefni þar sem niðurstöður verða birtar með almennum hætti og dreift ókeypis.
Að umsækjandi sé stórt fyrirtæki sem vinnur verkefni í samvinnu við að minnsta kosti eitt lítið eða eitt stórt fyrirtæki, eða að verkefnið sé samstarf yfir landamæri við félag í öðru EES landi.
* Hvaða rekstrarkostnaður er styrkhæfur?
- Starfsmannakostnaður (vísindamenn, tæknimenn og annað aðstoðarfólk sem vinnur að rannsóknarverkefninu).
- Kostnaður við tæki og búnað að því marki og í þann tíma sem þau eru notuð við rannsóknarverkefnið. Ef fyrrgreind tæki og búnaður eru ekki notuð allan endingartíma sinn við rannsóknarverkefnið telst aðeins afskrifaður kostnaður, sem samsvarar þeim tíma sem rannsóknarverkefnið varir og er reiknaður á grundvelli góðra reikningsskilavenja.
- Kostnaður tengdur byggingum og landi, að því marki og í þann tíma sem þau eru notuð við rannsóknarverkefnið, telst, að því er varðar byggingar, aðeins afskrifaður kostnaður sem samsvarar þeim tíma sem rannsóknarverkefnið varir og er reiknaður á grundvelli góðra reikningsskilavenja. Að því er varðar land er útlagður kostnaður við afsal eða fjármagnskostnaður, sem stofnað er til í reynd.
- Kostnaður í tengslum við samningsbundnar rannsóknir, tækniþekkingu og einkaleyfi, sem keypt eru, eða leyfi sem eru fengin frá utanaðkomandi aðilum á markaðsverði í viðskiptum ótengdra aðila og ekkert samráð á sér stað, sem og kostnaður vegna ráðgjafar og sambærilegrar þjónustu sem er eingöngu nýtt í tengslum við rannsóknarstarfsemina.
- Annar kostnaður sem stofnað er til beint vegna rannsóknarverkefnisins.
- Annar rekstrarkostnaður, þ.m.t. efniskostnaður, kostnaður við birgðir og þess háttar sem stofnað er til í beinum tengslum við rannsóknarstarfsemina.
Nýsköpunarfyrirtæki sem hlotið hafa styrk
Samkvæmt 9. gr. reglugerðar nr. 758/2011, um stuðning við nýsköpunarfyrirtæki, skal ríkisskattstjóri birta upplýsingar um nýsköpunarfyrirtæki sem hlotið hefur staðfestingu á verkefni sínu af hálfu Rannís ef fjárhæð skattafrádráttarins er yfir tilteknum mörkum. Frá og með árinu 2019 er miðað við fjárhæð skattafrádráttar yfir 500.000 evrur á ári.
Skattafrádráttur 2020
| Kennitala | Nafn | Rannsóknar- og þróunarstyrkur | Atv.gr.nr. | Atvinnugrein lýsing |
| 4506973469 | CCP ehf. | 180.000.000 | 58.21.0 | Útgáfa tölvuleikja |
| 5302922079 | Origo hf. | 180.000.000 | 62.02.0 | Ráðgjafarstarfsemi á sviði upplýsingatækni |
| 6410032630 | Oculis ehf. | 180.000.000 | 72.19.0 | Aðrar rannsóknir og þróunarstarf í raunvísindum og verkfræði |
| 6711060670 | Össur Iceland ehf. | 180.000.000 | 32.50.0 | Framleiðsla á tækjum og vörum til lækninga og tannlækninga |
| 7101130410 | Alvotech hf. | 180.000.000 | 21.20.0 | Lyfjaframleiðsla |
| 7008070530 | LS Retail ehf. | 139.792.037 | 62.01.0 | Hugbúnaðargerð |
| 5303060540 | CRI hf. | 137.987.073 | 72.19.0 | Aðrar rannsóknir og þróunarstarf í raunvísindum og verkfræði |
| 6407070540 | Marel Iceland ehf. | 130.535.273 | 28.93.0 | Framleiðsla á vélum fyrir matvæla-, drykkjarvöru- og tóbaksvinnslu |
| 6806062420 | Nox Medical ehf. | 129.448.156 | 26.60.0 | Framleiðsla á búnaði til geislunar, raftækjabúnaði til lækninga og meðferðar |
| 6301150860 | Tempo ehf. | 120.000.000 | 64.20.0 | Starfsemi eignarhaldsfélaga |
| 6607170990 | CCP Development ehf. | 120.000.000 | 62.01.0 | Hugbúnaðargerð |
| 6611091570 | Kaptio ehf. | 109.671.456 | 62.09.0 | Önnur þjónustustarfsemi á sviði upplýsingatækni |
| 4906160710 | Travelshift ehf. | 99.788.049 | 62.01.0 | Hugbúnaðargerð |
| 4309120380 | Gangverk ehf. | 82.993.758 | 62.01.0 | Hugbúnaðargerð |
| 5507150900 | Activity Stream ehf. | 79.970.220 | 62.01.0 | Hugbúnaðargerð |
Skattafrádráttur 2019
| Kennitala | Nafn | Rannsóknar- og þróunarstyrkur | Atv.gr.nr. | Atvinnugrein lýsing |
|---|---|---|---|---|
| 7101130410 | Alvotech hf. | 90.000.000 kr. | 21.20.0 | Lyfjaframleiðsla |
| 6711060670 | Össur Iceland ehf. | 90.000.000 kr. | 32.50.0 | Framleiðsla á tækjum og vörum til lækninga og tannlækninga |
| 4506973469 | CCP ehf. | 90.000.000 kr. | 58.21.0 | Útgáfa tölvuleikja |
| 6607170990 | CCP Development ehf. | 90.000.000 kr. | 62.01.0 | Hugbúnaðargerð |
| 6410032630 | Oculis ehf. | 90.000.000 kr. | 72.19.0 | Aðrar rannsóknir og þróunarstarf í raunvísindum og verkfræði |
| 5411850389 | Brim hf. | 85.898.599 kr. | 10.20.1 | Frysting fiskafurða, krabbadýra og lindýra |
| 6611091570 | Kaptio ehf. | 79.193.962 kr. | 62.09.0 | Önnur þjónustustarfsemi á sviði upplýsingatækni |
| 6806062420 | Nox Medical ehf. | 71.194.911 kr. | 26.60.0 | Framleiðsla á búnaði til geislunar, raftækjabúnaði til lækninga og meðferðar |
Skattafrádráttur 2018
| Kennitala | Nafn | Rannsóknar- og þróunarstyrkur |
Atv.gr.nr | Atvinnugrein lýsing |
|---|---|---|---|---|
| 6711060670 |
Össur
Iceland ehf. |
90.000.000 |
32.50.0 |
Framleiðsla
á tækjum og vörum til lækninga og tannlækninga |
| 7101130410 |
Alvotech
hf. |
90.000.000 |
21.20.0 |
Lyfjaframleiðsla |
| 4506973469 |
CCP hf. |
74.164.314 |
58.21.0 |
Útgáfa
tölvuleikja |
| 6806062420 |
Nox
Medical ehf. |
65.799.177 |
26.60.0 |
Framleiðsla
á búnaði til geislunar, raftækjabúnaði til lækninga og meðferðar |
| 5507150900 |
Activity
Stream ehf. |
63.317.438 |
62.01.0 |
Hugbúnaðargerð |
| 4307003080 |
Mentor
ehf. |
60.000.000 |
62.01.0 |
Hugbúnaðargerð |
| 5303060540 |
CRI ehf. |
60.000.000 |
72.19.0 |
Aðrar
rannsóknir og þróunarstarf í raunvísindum og verkfræði |
| 5902697199 |
Advania
Ísland ehf. |
60.000.000 |
62.02.0 |
Ráðgjafarstarfsemi
á sviði upplýsingatækni |
| 6407070540 |
Marel
Iceland ehf. |
60.000.000 |
28.93.0 |
Framleiðsla
á vélum fyrir matvæla-, drykkjarvöru- og tóbaksvinnslu |
| 6703982859 | NOVOMATIC Lottery Solutions hf. | 60.000.000 | 64.20.0 | Starfsemi eignarhaldsfélaga |
| 7008070530 | LS Retail ehf. | 60.000.000 | 62.01.0 | Hugbúnaðargerð |
Skattafrádráttur 2017
| Kennitala | Nafn | Rannsóknar- og þróunarstyrkur |
Atv.gr.nr | Atvinnugrein lýsing |
|---|---|---|---|---|
| 7101130410 | Alvotech hf. | 90.000.000 | 21.20.0 | Lyfjaframleiðsla |
| 4506973469 | CCP hf. | 77.058.430 | 58.21.0 | Útgáfa tölvuleikja |
| 6806062420 | Nox Medical ehf. | 62.884.549 | 26.60.0 | Framleiðsla á búnaði til geislunar, raftækjabúnaði til lækninga og meðferðar |
| 5811051690 | Rafnar ehf. | 62.811.368 | 72.19.0 | Aðrar rannsóknir og þróunarstarf í raunvísindum og verkfræði |
| 6002122570 | Arctic Smolt hf. | 60.000.000 | 03.21.0 | Eldi og ræktun í sjó |
| 5602710189 | Össur hf. | 60.000.000 | 32.50.0 | Framleiðsla á tækjum og vörum til lækninga og tannlækninga |
| 5802100900 | Greenqloud ehf. | 60.000.000 | 62.01.0 | Hugbúnaðargerð |
| 7008070530 | LS Retail ehf. | 60.000.000 | 62.01.0 | Hugbúnaðargerð |
| 5902697199 | Advania Ísland ehf. | 60.000.000 | 62.02.0 | Ráðgjafarstarfsemi á sviði upplýsingatækni |
Ítarefni
Hvar finn ég reglurnar?
Skattfrádráttur vegna nýsköpunar - lög nr. 152/2009, um stuðning við nýsköpunarfyrirtæki
Eyðublöð
Um útlagðan kostnað og fengna styrki: Greinargerð um skattfrádrátt - RSK 4.21.
Skrá yfir eigendur samstarfsverkefni: Nýsköpun - samstarfsverkefni - RSK 4.22.
